這個星期, 大部份的小學不是考試週就是測驗週,
總之, 捱過這星期就可以開心地放復活節假.
我問那 80多分的女孩: 今次英文測試懂嗎?
她又 “阿愁" 上身: 不太識啊…..英文作文我作唔到…….
其實她平時做的練習,
英文文法, 名詞運用全都做對,
我估她應該又可以拿 80分 (至少).
我安慰她說: 你造句子絕對沒問題, 只是你不愛英文科,
所以作文無興趣.
她雙眼發光地說: 是啊….我不喜歡英文科!
她再說: 我最愛常識, 我在學校贏過 “常識小博士".
她還提議我: 不如你下次整常識工作紙給我做....
(我心想: 教中英數已經教到頭暈, 不想開多一科常識喎)
下堂後, 她媽媽好緊張拉住我,
說: 阿囡話今次英文測驗不懂, 唔識作文喎!!!
我答: 她也跟我說了, 英文作文要一點創作思維, 可能她不喜
英文, 所以作文這回事對她有點難…..
她驚訝: 吓….她不喜歡英文咩? 點解呀?
(我心想: 吓….你唔知你個女不喜歡英文? 竟然唔知?)
她呆了幾秒,
然後追問女兒: 點解你不喜歡英文? 點解呀…….
女兒不敢答, 我唯有解答: 她最愛常識科!
接著, 她媽媽又追問女兒: 吓….你鐘意常識科咩? 幾時開始架…..
看來, 我也要多些同女兒傾下計,
免得她喜歡甚麼我也不知道呢.
沒有留言:
張貼留言