說好了的暑假呢?

還以為來到暑假, 會無乜學生返補習社,

我地一班老師就可以 hea 下.

怎知, 暑假仲忙過平時 (~嗚)

每日的暑期班都排到密密麻麻,

連星期六日的精補班, 依舊好人齊.

我教的課堂, 一 ~個~學~生~都~沒~有~少~啊!!!

點解? 點解暑假都要咁勤力?

說好了的暑假在哪兒呢?

來到這個年代, 所謂的暑假原來是騙人的.

不, 是香港沒有暑假.

搵工難, 請人更難 (下)

新到步的文員, 只得 20 歲, 大學 2 年級.

她說自己 20 歲時, 我也要在心裡計一計,

2016 – 20= 1996, 即是 1996 年出世.

(媽啊….那時我已經讀預科了)

我自嘲地說: 你出世那年, 我已經讀預科了.

她一聽, 立即雙眼發光地望住我,

說: 你就好啦, 可以在英國殖民時代生活過.

我一下子接不上,

雖然大家的出世的年代不同, ,

但出生地還是 “香港", 同一個地方.

她再說: 我好羨慕英國殖民管治的年代, 以家個社會好大壓

呀.

(我心想: 小姐, 有甚麼好羨慕, 以前的人也有以前的壓力架)

我反問: 你現在仍讀緊書, 你有甚麼壓力呢?

她立即 “阿愁"上身說: 你不覺得以家個社會好亂咩?

我同意地答: 係, 比起以前好亂.

她再說: 咁咪係囉, 我都唔知將來可做d 乜?

我驚訝: 你已經是 year 2 了, 還沒想將來從事甚麼工作?

她一面茫然地說: 唔…..我唔想做太辛苦的工作.

(我打了個突, 心想: 天下間有甚麼工作是不辛苦的?)

我提議: 咁不如做朝九晚五的 office job 囉.

她立即很大反應: 哇…返朝九晚五咁辛苦, 我做不來呢.

我木無表情地說: 我由畢業起一直都是做朝九晚五的工喎.

她驚訝地問我: 點解你會頂得順, 日日返朝九晚五喎???

(呢刻, 我真係想吐血)

我反問: 咁你 “理想中" 的工作是甚麼?

(係, 既然她不切實際, 唯有跟她談 “理想中")

她答: 唔….最好不太辛苦, 可以 home office 做,

然後又有自己的私人時間 .

我聽完, 仍然一頭霧水,

結論是: 我跟 90 後溝通不來.

後來, 老闆笑說: 你真不了解時下的 90 後,

他們最想做的是 “網上生意",

可以 home office 之餘, 又不用每天做足 8 小時,

有空就用手機上網查看生意進度,

剩餘的時間就可以約朋友行街睇戲,

這就是他們眼中的 “理想工作".

如果網上生意 A 做不好, 就做生意 B,

總之就不要困死一份工作, 要享受自由身, 要有自己的話事權.

我終於明白了.

搵工難, 請人更難 (上)

補習社的 reception 文員在前幾天離職.

老闆總是請仍在修讀教育系的學生來做這個職位,

一來可以讓他們吸收經驗,

二來他們本身讀教育學位,

或多或少在教育上有少許心得, 省了不少培訓時間.

老闆說: 請得學生來做只可預他們做半年, 每半年都要請人.

我疑惑, 老闆再說: 咁多年以來, 無一個學生哥做多過半年,

反而請你這些師奶穩定性仲高.

以家在學的大學生全都是 90 後 (即1990 年後出世),

他們不似我們那個年代咁賺補習費作為零用錢,

他們的零用錢是不缺,

他們做兼職想賺 “一舊錢",

作為旅行的洗費或買某樣東西,

賺半年到差不多夠了, 然後辭職.

到無晒錢時, 再搵工………

聽到此, 我呆左,

我問: 他們可以請假去旅行, 然後再回來返工, 不用辭職呢.

老闆苦笑地說: 講到尾半年是一個期限, 已經無新鮮了.

我仍然不明,

後來, 新入職的文員到步後, 跟她一起午餐,

我終於見識到甚麼是 90 後了………